IND vs AUS: ભારત-ઓસ્ટ્રેલિયા સિરીઝમાં આ 5 સ્ટાર ખેલાડીઓ પર રહેશે નજર, ઓસ્ટ્રેલિયાની ટીમ બનશે ભારત માટે ખતરો!

ભારત અને ઓસ્ટ્રેલિયા વચ્ચે મંગળવારથી ત્રણ મેચની T20 સીરીઝ રમાશે. આ ત્રણ મેચમાં ઘણા ખેલાડીઓ પાસે પોતાને સાબિત કરવાની સુવર્ણ તક હશે. પ્રથમ મેચ 20 સપ્ટેમ્બરે મોહાલીમાં રમાશે.

ભારત સામેની ત્રણ મેચની ટી-20 સીરીઝ માટે ઓસ્ટ્રેલિયાની ટીમ ગુરુવારે ભારત પહોંચી ગઈ છે. ટીમે હાલમાં જ ન્યૂઝીલેન્ડ સામેની વનડે શ્રેણીમાં 3-0થી ક્લીન સ્વીપ કર્યું હતું. જો કે ઓસ્ટ્રેલિયા માટે ભારતનો પ્રવાસ આસાન નથી બની રહ્યો કારણ કે ટીમના ઘણા ખેલાડીઓ આ પ્રવાસમાં નહીં હોય. અનુભવી મિશેલ સ્ટાર્ક ઘૂંટણની સમસ્યાથી પીડાઈ રહ્યો છે જ્યારે ઓલરાઉન્ડર મિશેલ માર્શ એડીમાં તાણ અને હેમસ્ટ્રિંગની ઈજાને કારણે 20 સપ્ટેમ્બરથી શરૂ થતી ભારત સામેની ત્રણ મેચની T20 શ્રેણીને ચૂકી જશે. આ ત્રણેય દિગ્ગજો 22 ઓક્ટોબરે ન્યૂઝીલેન્ડ સામે T20 વર્લ્ડ કપની પ્રથમ મેચ સુધી ફિટ થઈ જશે તેવી અપેક્ષા છે.

ભારતીય ટીમ પર નજર કરીએ તો જસપ્રીત બુમરાહ અને હર્ષલ પટેલ ટીમમાં પરત ફર્યા છે. બંને લાંબા સમય પછી મેદાન પર ઉતરશે. તે જ સમયે, T20 વર્લ્ડ કપ 2021માં છેલ્લી વખત ટૂંકા ફોર્મેટમાં રમનાર શમીની પણ વાપસી થઈ છે. એવામાં તમને જણાવીએ કે આ સિરીઝમાં કયા પાંચ ખેલાડીઓની નજર રહેશે. 

વિરાટ કોહલી  
એશિયા કપમાં વિરાટ કોહલીએ ઘણા રન બનાવ્યા હતા. એશિયા કપમાં કોહલીનું ફોર્મ પરત આવ્યુ હોય તેવું લાગી રહ્યુ છે. કોહલીએ એશિયા કપમાં 5 મેચમાં 92ની એવરેજથી 276 રન બનાવ્યા હતા. આ ટુર્નામેન્ટમાં તેણે બે અડધી સદી સાથે યાદગાર સદી પણ ફટકારી હતી. ટીમ મેનેજમેન્ટની સાથે ચાહકો પણ ઈચ્છશે કે કોહલીના બેટથી પણ આ સિરીઝમાં રન બને. 

સ્ટીવ સ્મિથ
સ્ટીવ સ્મિથે 2021 T20 વર્લ્ડ કપ બાદ માત્ર 8 મેચ રમી છે. આ દરમિયાન તેમણે 107ના સ્ટ્રાઈક રેટથી 134 રન બનાવ્યા છે અને તેનો સર્વોચ્ચ સ્કોર 37 છે. સ્ટીવ સ્મિથ માટે ટીમમાં પોતાનું સ્થાન જાળવી રાખવા માટે આ શ્રેણીમાં રન બનાવવા પડશે. કારણ કે જો તમે ઓસ્ટ્રેલિયાની ટીમ પર નજર નાખો તો જોવા મળશે કે T20 ફોર્મેટમાં ટીમ પાસે ઘણા મેચ વિનર છે અને તે મેચને પોતાના દમ પર ફેરવી શકે છે. 

યુઝવેન્દ્ર ચહલ
ટીમ ઈન્ડિયાનો સ્ટાર લેગ સ્પિનર ​​યુઝવેન્દ્ર ચહલ ઓસ્ટ્રેલિયા વિરૂદ્ધ વિકેટ મેળવવાનો પૂરો પ્રયાસ કરશે. એશિયા કપમાં યુઝવેન્દ્ર ચહલનો જાદુ કામ ન કરી શક્યો અને તે શરૂઆતની મેચોમાં વિકેટ પણ મેળવી શક્યો ન હતો, તેથી તેનો ઉદ્દેશ્ય આ શ્રેણીમાં શક્ય તેટલી વધુ વિકેટો મેળવવાનો અને રન પર અંકુશ લગાવવાનો રહેશે.

રિષભ પંત
ભારતના સ્ટાર વિકેટ કીપર બેટ્સમેન રિષભ પંત પાસે T20 ફોર્મેટમાં પોતાની ક્ષમતા સાબિત કરવાની સુવર્ણ તક છે. છેલ્લા કેટલાક સમયથી રન બનાવવા માટે સંઘર્ષ કરી રહેલા રિષભ પંત માટે ઓસ્ટ્રેલિયા સિરીઝ ઘણી મહત્વની રહેશે. છેલ્લા T20 વર્લ્ડ કપ બાદથી ડાબા હાથના આ ખેલાડીએ 22 મેચમાં 28.1ની સરેરાશથી 422 રન બનાવ્યા છે. આ દરમિયાન તેણે અડધી સદી ફટકારી છે. ટીમ મેનેજમેન્ટ રિષભ પંતના પ્રદર્શન પર નજર રાખશે. 

ટિમ ડેવિડ

સિંગાપોર માટે 14 T20 આંતરરાષ્ટ્રીય મેચ રમી ચૂકેલા ટિમ ડેવિડને ઓસ્ટ્રેલિયાની ટીમમાં જગ્યા મળી છે. ડેવિડ ફ્રેન્ચાઈઝી ક્રિકેટમાં તેની ખતરનાક બેટિંગ માટે જાણીતો છે. ડેવિડ મુંબઈ ઈન્ડિયન્સ, કેરેબિયન પ્રીમિયર લીગ, પાકિસ્તાન સુપર લીગ, કાઉન્ટી, ટી20 બ્લાસ્ટ, ધ હન્ડ્રેડ અને બિગ બેશ લીગમાં પણ રમી ચૂક્યો છે. ડેવિડે 14 T20I મેચોમાં 46.50ની એવરેજ અને 158ના સ્ટ્રાઈક રેટથી 558 રન બનાવ્યા છે. ડેવિડે આ 14 મેચમાં પાંચ વિકેટ પણ લીધી છે. 

ઓસ્ટ્રેલિયાએ ઝડપી બોલર નાથન એલિસ, ડેનિયલ સેમ્સ અને સીન એબોટને 15 સભ્યોની ટીમમાં સામેલ કર્યા છે. સ્ટોઈનિસના રૂપમાં યુવા ટિમ ડેવિડ ટીમની હારની ભરપાઈ કરશે, જેની પ્રથમ આંતરરાષ્ટ્રીય T20 મેચ હશે. તે જ સમયે, મેનેજમેન્ટે ફરી એકવાર માર્શની જગ્યાએ અનુભવી સ્ટીવ સ્મિથ પર વિશ્વાસ વ્યક્ત કર્યો છે. અનુભવી ડેવિડ વોર્નરને પણ આ પ્રવાસમાં આરામ આપવામાં આવ્યો છે. આ પ્રવાસમાં ઓસ્ટ્રેલિયા તેની પ્રથમ ટી20 મેચ 20 સપ્ટેમ્બરે મોહાલીમાં ભારત સામે રમશે જ્યારે તેની બીજી મેચ 23 સપ્ટેમ્બરે નાગપુરમાં રમાશે. પ્રવાસની ત્રીજી અને અંતિમ મેચમાં ટીમ 25 સપ્ટેમ્બરે હૈદરાબાદમાં યજમાન ટીમ સામે ટકરાશે.

સ્પોર્ટઝ News – Sports News –gujarati news – gujju news channel – gujarati top news – top 10 news